សំណួរមេរៀនព្រះអភិធម្ម
១- តើលោភមូលចិត្តដួងណាខ្លះ ដែលមានចេតសិកប្រកបជាមួយច្រើនជាងគេ?
២- តើលោភមូលចិត្តដួងណាខ្លះ ដែលមានចេតសិកប្រកបជាមួយតិចជាងគេ?
៣- តើបីតិចេតសិក កើតនៅក្នុងលោភមូលចិត្តដួងណាខ្លះ?
៤- តើទិដ្ឋិចេតសិក កើតនៅក្នុងលោភមូលចិត្តដួងណាខ្លះ?
៥- តើបីតិចេតសិកមាននៅក្នុងលោភមូលចិត្ត ដែលប្រព្រឹត្តទៅជាមួយឧបេក្ខាវេទនាឬទេ? បើមានព្រោះហេតុអ្វី? បើមិនមានព្រោះអ្វី?
៦- ចំពោះលោភមូលចិត្តដែលមិនមានមិច្ឆាទិដ្ឋិកើតជាមួយ ហេតុអ្វីក៏ចាត់ជាអកុសលចិត្តដែរ? ចូរពន្យល់ !
ចម្លើយ
១- លោភមូលចិត្ត ដែលមានចេតសិកប្រកបជាមួយច្រើនជាងគេ គឺ លោភមូលចិត្តដួងទី ២ និង ដួងទី ៤។
២- លោភមូលចិត្ត ដែលមានចេតសិកប្រកបជាមួយតិចជាងគេគឺ លោភ-មូលចិត្តដួងទី ៥ និង ដួងទី៧។
៣- បីតិចេតសិក កើតនៅក្នុងលោភមូលចិត្តដួងទី១, ទី២, ទី៣, ទី៤ ។
៤- ទិដ្ឋិចេតសិក កើតនៅក្នុងលោភមូលចិត្តដួងទី១, ទី២, ទី៥, ទី៦។
៥-បីតិចេតសិកមិនកើតក្នុងលោភមូលចិត្តដែលប្រព្រឹត្តទៅជាមួយឧបេក្ខា-វេទនាទេ ព្រោះឧបេក្ខាវេទនាមានសភាពព្រងើយៗ។
៦- បានជាលោភមូលចិត្ត ដែលមិនមានមិច្ឆាទិដ្ឋិកើតជាមួយ ហើយចាត់ជាអកុសលចិត្តព្រោះមាន លោភៈ, មានៈ, អហិរិកៈ, អនោត្តប្បៈ, ឧទ្ធច្ចៈ, ថីនៈ, មិទ្ធៈ។
-ចំណាំ
ក្នុងលោភមូលចិត្ត ៨ដួង មានចេតសិកកើតរួមទាំងអស់ ២២ ប្រភេទគឺ អញ្ញសមានាចេតសិក ១៣ មោចតុកចេតសិក ៤ លោតិកចេតសិក ៣ ថីទុកចេតសិក ២។
-ចេតសិកដែលកើតទៀងទាត់ក្នុងលោភមូលចិត្តទាំង ៨ ដួង មានត្រឹមតែ ១៧ ប៉ុណ្ណោះគឺ៖
– អញ្ញសមានាចេតសិក ១២ (វៀរ បីតិ)
– មោចតុកៈ ៤
– លោភចេតសិក ១ (វៀរ ទិដ្ឋិ មានោ ថីនំ មិទ្ធំ)។
វត្ដមណីរតនារាម 