គន្លឹះ១២យ៉ាងដើម្បីយក ឈ្នះកំហឹងនិងបង្កើនសន្ដិភាព
- សមាធិ ២ ទៅ ៣នាទីជារៀងរាល់ថ្ងៃដើម្បីគិតថា ប្រសិនជាការរស់នៅរបស់អ្នកមិនមានកំហឹងទេ តើជីវិតរបស់អ្នកនឹងប្រសើរឡើងយ៉ាងណា?
- នៅពេលដែលអ្នកចាប់ផ្ដើមមានកំហឹង អ្នកត្រូវដកដង្ហើមឲ្យវែងៗ ហើយយឺតឲ្យបានច្រើនដង
- អ្នកក៏អាចរាប់ពី ១ដល់១០ យឺតៗដើម្បីបន្ថយភាពខឹងឆេវឆាវរបស់អ្នក និងភាពទន់ខ្សោយ
- ញុំាំទឹក អាចធ្វើឲ្យអារម្មណ៍ស្ងប់
- ព្យាយាមអត់ធ្មត់ទោះបីជាមានការពិបាកយ៉ាងណាក៏ដោយ
- ត្រូវចេះអធ្យាស្រ័យដល់អ្នកដទៃ បើទោះជាអ្នកនោះមិនចេះអធ្យាស្រ័យក៏ដោយ
- មនុស្សគ្រប់គ្នាមានអំនួនចំពោះគំនិតខ្លួនឯងដូច្នោះបើទោះបីជាអ្នកមិនយល់ព្រមនឹងកំនិតរបស់គេក៏ដោយ ក៏អ្នកត្រូវតែប្រើប្រាស់ភាពឆ្លាតវៃ និងគួរសមចំពោះគេដែរ
- មនុស្សគ្រប់គ្នាមានអំនួនចំពោះគំនិតខ្លួនឯង ដូច្នោះបើទោះបីជាអ្នកមិនយល់ព្រមនឹងកំនិតរបស់គេក៏ដោយ ក៏អ្នកត្រូវតែប្រើប្រាស់ភាពឆ្លាតវៃ និងគួរសមចំពោះគេដែរ
- ព្យាយាមប្រើប្រាស់អារម្មណ៍ស្ងប់ និងជ្រះថ្លានៅគ្រប់កាលៈទេសៈជារៀងរាល់ពេលដើម្បីគ្រប់គ្រងអារម្មណ៍របស់អ្នក
- គំនិតវិជ្ជមានអាចឲ្យអ្នកគ្រប់គ្រងកំហឹងបាន
- ព្យាយាមគ្រប់គ្រងអារម្មន៍ និងហាត់ពត់កែតម្រង់ខ្លួនឯង
- កុំគិតថាអ្វីៗទាំងអស់សុទ្ធតែតានតឹងពេកនោះ
- រកមូលហេតុដែលអាចឲ្យយើងសើចបានកាន់ច្រើន ដូចជាការមើលរឿងកំប្លែង និយាយលេងជាមួយមិត្តភក្ដិជាដើម។
ពិពណ៌នា:
លទ្ធផលបច្ចុប្បន្នគឺជាផលពីអ្វីដែលអ្នកមុនបានសាងទុកមានទាំងមោទនភាពមានទាំងល្វីងជូរចត់។ ឯលទ្ធផលទៅអនាគតគឺយើងទាំងអស់គ្នាដែលកំពុងរសនៅសព្វថ្ងៃនេះជាអ្នកកសាង។ ថ្វីត្បិតតែយើងមិនអាចកែប្រែអ្វីពី
អតីតកាលបាន តែបច្ចុប្បន្ននិងអនាគត យើងអាចសាងបាន ហើយត្រូវជួយគ្នា សាងចាប់ពីពេលនេះតទៅ មិនចាំបាច់ស្អែកនោះទេ។ យើងត្រូវសាងអ្វីមុន? គឺសាងធនធានមនុស្ស សាងអ្នកចេះដឹងឲ្យបានច្រើន បានដល់ ៖
សាងមនុស្សពូកែ មានចំណេះដឹង មានសមត្ថភាព មានគុណភាព
សាងមនុស្សល្អ មានគុណធម៌ មានហេតុផល ហ៊ានលះបង់។
ក្តីបរាជ័យវាមិនមែនជាអ្វីដែលអាក្រក់ណាស់ណានោះទេ។មនុស្សគ្រប់រូបសុទ្ធតែធ្លាប់ជួបក្តីបរាជ័យ
សុទ្ធតែធ្លាប់មានកំហុសដូចគ្នា។ តែគេចេះយកកំហុសមកធ្វើជាមេរៀននោះឯង។
គតិ របស់លោក មហាត្មះ គន្ធី
១. ចំពោះមនុស្សដែលក្រពះរបស់គេគ្មានអ្វីសោះ អាហារគឺជាព្រះ ។
To a man with an empty stomach food is god .
២. ខ្ញុំមិនមែនកសាងខ្លួនសំរាប់សរសេរទ្រឹស្តី តែសកម្មភាព ជាគោលដៅ របស់ខ្ញុំ ។
I am not built for academic writings . Action is my domain .
៣. ខ្ញុំចាត់ទុកខ្លួនជាជនជាតិ ហិណ្ឌូ គ្រិស្តសាសនិកជន អ៊ីស្លាម ជ្វីហ្វ
ពុទ្ធសាសនិក និង ខុងជឺ ។
I consider myself a Hindu , Christian , Muslim , Jew , Buddhist , and Confucian .
៤. អហិង្សាជាខដំបូងនៃជំនឿរបស់ខ្ញុំ ។ វាក៏ជាខចុងក្រោយនៃគោលការណ៍របស់ខ្ញុំ។
Non- violence is the first article of my faith . It is also the last article
of my creed .
៥. ភាពមានតែមួយជាច្បាប់ធម្មជាតិ ។ ចូរសំលឹងមើលលក្ខណះផ្តាច់មុខ នៃការរះរបស់ព្រះអាទិត្យ ។ ភាពមានតែមួយក្នុងជីវភាពរស់នៅ ចាំបាច់គឺការចេះធ្វើឱ្យជីវិតពោរពេញដោយភាពរីករាយនិងក្លៀវក្លាឡើង ។
Monotony is the law of nature .
Look at the monotonous manner in which the sun rises .
The monotony of necessary occupations is exhilaratingandlife-giving .
៦. ការបណ្តែតបណ្តោយតាមចំណូលចិត្តរបស់ខ្លួន
តែងមានព្រំដែន តែគ្មានទេសំរាប់ការអត់ធ្មត់ទប់ចិត្តខ្លួនឯង ។
There are limits to self-indulgence , none to self-restraint .
៧. បុគ្គលម្នាក់ក៏អាចប្រឆាំង អំណាចរបស់អាណាចក្រមិនត្រឹមត្រូវមួយ ដើម្បីសង្រ្គោះកិត្តិយសរបស់ខ្លួន សាសនារបស់ខ្លួន ព្រលឹងរបស់ខ្លួន ហើយចាក់គ្រឹះសំរាប់ការដួលរលំ ឬការកែប្រែជាថ្មីឡើងវិញនៃអាណាចក្រនោះ ។
It is possible for a single individual to defy the whole might of an unjust
empire to save his honor , his religion ,his soul and lay the foundation
for that empire’s fall or its regeneration .
៨. តើមានការខុសគ្នាអ្វីទៅ រវាងការស្លាប់ កំព្រា និងគ្មានផ្ទះសម្បែង តើការបំផ្លាញដ៏ឆ្កួតលីលាត្រូវបានចារក្រោមផ្លាកផ្តាច់ការនិយម ឬក៏ផ្លាកដ៏ពិសិដ្ឋ
នៃសេរីភាព ឬក៏ប្រជាធិបតេយ្យ ?
What difference does it make to the dead , the orphans and the homeless , whether the mad destruction is wrought under name of totalitarianism or
the holy name of liberty or democracy?
សុភាសិត
- មនុស្សម្នាក់គឺជាអ្នកកំណត់នូវជោគវាសនារបស់គេផ្ទាល់ខ្លួន។
- សូមពិចារណា -មនុស្សដែលហ៊ានច្រើនតែទទួលបាននូវជោគជ័យមនុស្សដែលឆ្លាតតែមិនហ៊ាន។
- គំនិតមួយដែលមនុស្សទូទៅគួរតែវារចាកនោះគឺការគិតថាខ្លួនឯងឆ្លាតជាងអ្នកដទៃ។
- អ្នកចេះពិតប្រាកដគឺជាអ្នកដែលមិនចេះអ្វីទាំងអស់។
- មនុស្សដែលបរាជ័យគឺជាមនុស្សដែលមិនព្រមចាប់ផ្តើមធ្វើ រឺសាកល្បងធ្វើវាសារជាថ្មី។
- ការសំរេចចិត្តរបស់អ្នកគឺជាអនាគតរបស់។ ដូច្នេះ ចូរទុកពេលអោយបានសមគួរដើម្បីគិតពិចារណាជាមុនសិន មុននឹងធ្វើការសំរេចចិត្ត៕
- ភាពម្ចាស់ការលើខ្លួនឯងគឺជាកំលាំងជំរុញដ៏អស្ចារ្យ។
- បើអ្នកតាំងចិត្តថានឹងធ្វើអ្វីមួយនោះអោយបាន នោះអ្នកនឹងពិតជាអាចធ្វើវាបាន។
- មនុស្សដែលបរិសុទ្ធគឺជាមនុស្សដែលហ៊ានសារភាពនូវកំហុសជាសាធារណះ។
- ចូរចាំទុកថា មនុស្សម្នាក់ៗគឺសុទ្ធតែមានអ្វីដែលខ្លួនមិនចេះ គ្រាន់តែមិនចេះនូវរឿងផេ្សងៗពីគ្នាប៉ុណ្ណោះ។
- មនុស្សគ្រប់រូបកើតមកទាំងដៃទទេដូចៗគ្នា។
- ចូរចាំថាអ្វីៗដែលយើងមិនចូរចិត្ត ចូរកុំប្រព្រឹត្តចំពោះអ្នកដទៃ។
- បើចង់ល្អត្រូវលះ បើចង់ឈ្នះត្រូវអោយទ្រាំ។
- បើចេះដួល ក៏ត្រូវចេះក្រោកឡើងវិញដែរ។
- ការរៀនគឺជាការផ្តល់អាហារអោយខួរក្បាលនឹងជីវិត។
- ចូរចាំថា ពិភពលោកទាំងមូលពោរពេញដោយឪកាស។
- ចូរជំរុញអោយគេចេះគិត កុំប្រាប់នូវអ្វីដែលគេត្រូវធ្វើ។
- ប្រសិនបើអ្នកអាចសុបិន្តឃើញ នោះអ្នកក៏នឹងអាចសំរេចវាបានដែរ។ ប្រការចំបងនោះគឺមកពីការតាំងចិត្ត។
- បើគ្មានការប្រថុយប្រថាន នោះក៏គ្មានជោគជ័យដែរ។
- ចូរព្យាយាមធ្វើអ្វីៗអោយបានសំរេចជោគជ័យ ទោះជាវាជាការងារដ៏តូចកំប៉េចកុំប៉ុក រឺធំដុំក៏ដោយ។
- អ្វីៗទាំងអស់សុទ្ធតែមានចំនុចចាប់ផ្តើមរបស់វា។
- ការកសាងជីវិតអោយល្អប្រសើរឡើងវិញគឺមិនដែលយឺតពេលឡើយ។
- កុំចាំស្អែក ចាប់ធ្វើឥលូវភ្លាមទៅ។
- ចូរចាំទុកថា ក្នុងជីវិតមនុស្សយើងម្នាក់ៗគឺតែងតែមានបន្លា មានឧបសគ្គ ហើយមានតែការតស៊ូ ព្យាយាមអំនត់ទេដែលជាឪសថដ៏សក្តិសិទ្ធ ប្រៀបដូចជាតំណក់ទឹកដែលអាចស្រក់ទំលុះផ្ទាំងថ្មបាន។
- ទោះជាក្លាហាន រឺកំសាកក៏ដោយក៏គ្រោះថ្នាក់វាមានដូចតែគ្នា ចុះហេតុអ្វីក៏មិនក្លាហានទៅ?
- ប្រសិនបើអ្នកហ៊ាន នោះអ្វីៗនឹងបានសំរេចទាំងអស់។
- វាពិតជាពិបាកណាស់ពេលដែលយើងទទួលបរាជ័យ តែវារឹតតែពិបាកជាងនេះទៅទៀត ប្រសិនបើអ្នកមិនព្យាយាមម្តងទៀត។
- ដើម្បីវារចាកពីការរិះគន់ ទាន់តែយើងមិននិយាយអ្វី មិនធ្វើអ្វីទាំងអស់។
- ចូរយើងរលាស់ចោលនូវគំនិតដ៏កំសាកទាំងឡាយនោះទៅ។
- បើអ្វីៗសុទ្ធតែជាសេចក្តីអស់សង្ឈឹម នោះពិភពលោកនឹងប្រែក្លាយជាទីវាលកប់ខ្មោយទាំងអស់ជាមិនខាន។
- គ្រប់សកម្មភាព គឺជាកាយវិការនៃសេចក្តីសង្ឈឹមទៅអនាគត។
- ក្បាលដែលពេញណែនដោយចំណេះ វាមិនប្រពៃជាងក្បាលដែលស្គាល់ការពិសោធសប់គ្រប់ឡើយ។
- ខ្ញុំដឹងតែម៉្យាង គឺខ្ញុំឥតចេះអីសោះ។
- កាលបើឯងផឹកទឹក ចូរនឹកដល់ប្រភពវាផង។
- ការធ្វើដំណើររាប់រយគីឡូម៉ែត្រ គឺពិតជាចាប់ផ្តើមឡើងពីមួយជំហានដំបូងមិនខាន។
- ដោយសារតែដុំថ្មដែលគេគប់មកយើង យើងអាចយកមកសង់ផ្ទះបាន។
- ញញឹមឲ្យច្រើនវាមិនបង់ខាតអ្វីសោះ តែវាមានតម្លៃកាត់ថ្លៃមិនបាន។
- ចៅហ្វាយនាយដែលល្អបំផុត គឺខ្លួនអ្នកផ្ទាល់។
- មុននឹងខឹងអ្នកដទៃ ចូរខឹងខ្លួនឯងជាមុនសិន។
- មិត្តដែលល្អបំផុតគឺខ្លួនឯង សត្រូវដែលល្អបំផុតក៏គឺខ្លួនឯងដែរ។
- គ្មានអ្វីដែលគួរឲ្យជឿជាក់ ស្មើនឹងខ្លួនឯងឡើយ។
- បើទោះបីជាស្ថានភាពអាក្រក់យ៉ាងណាក៏ដោយ គួរតែរក្សានូវភាពនឹងនរ នោះអ្នកនឹងអាចដោះស្រាយវាបាន។
- រៀនឲ្យដឹងថារៀន លេងឲ្យដឹងថាលេង។
- ចូរចាំទុកថា សម្តីគឺជាការសន្យា។
- ចំពោះអ្នកដែលបង្ករឿងជាមួយអ្នក ទុកពេលមួយម៉ោងឲ្យត្រជាក់ចិត្តសិន មុននឹងឆ្លើយ។ តែបើជារឿងសំខាន់មែនទែន ទុកពេលមួយយប់សិន។
- ចូរសរសើរមនុស្សឲ្យបាន ៣នាក់ក្នុងមួយថ្ងៃ។
- ចូរកុំសន្យាងាយ តែបើសន្យាហើយគួរតែគោរព។
- កុំអាលអួតប្រាប់អ្នកណាឲ្យសោះ បើមិនទាន់បានជោគជ័យពីការងារមួយនោះ។
- ចូររៀនបង្ហាញនូវភាពរួសរាយរាក់ទាក់ បើទោះបីជាពេលខ្លះអ្នកគ្មាននៅក្នុងចិត្តក៏ដោយ។
- និយាយជាប្រាក់ ស្ងៀមស្ងាត់ជាមាស។
- រៀងរាល់ទិវា ជាជីវិតថ្មីមួយសំរាប់អ្នកមានគតិបណ្ឌិតម្នាក់។
- បើខ្ញុំមិនក្រោកចេញពីកន្ទេលទេ ខ្ញុំនឹងចាញ់ការប្រយុទ្ធ។
- គ្មាននរណាម្នាក់ធ្វើឲ្យយើងចាញ់នោះទេ លុះត្រាតែយើងធ្វើឲ្យចាញ់ដោយខ្លួនឯង។
- អ្នកត្រូវមានស្មារតីភ្ញាក់រលឹកជានិច្ច ដើម្បីឲ្យសុបិន្តរបស់អ្នកក្លាយជាការពិត។
- ត្រូវចាត់ទុកថាគ្រប់រឿងទាំងអស់សុទ្ធតែជារឿងកំប៉េកកំប៉ុក។
- កុំបែកញើសដោយសាររឿងកំប៉េកកំប៉ុក។
វត្ដមណីរតនារាម 